2024 թվականի օգոստոսի 3-ին և 4-ին լեռնային Դիլիջանը արդեն երրորդ անգամ միավորեց բոլոր գինեգործներին և գինու սիրահարներին։ Ավելի քան 40 գինետուն և գինեգործարան Հայաստանից և հարևան երկրներից Աղասի Խանջյանի ամառանոցի հարակից տարածքում՝ Տավուշի չքնաղ բնության գրկում, ներկայացրին իրենց գինիները։

Հուլիսի 19, 20 և 21-ին Թումանյան և Մոսկովյան փողոցներում «Երևանյան Գաստրոնոմիկ Օրերի» շրջանակում տեղի ունեցավ «Ռեստորանային Օրեր» ամենամասշտաբային փառատոններից մեկը։ Փառատոնի շրջանակում շուրջ 100 ռեստորան-սրճարան ներկայացան անհատական տաղավարներով՝ մատուցելով իրենց խոհանոցը և միավորելով իրական գուրմաններին։

2024 թվականի հուլիսի 7-8-ը «Լուսարև» գինեգործարանը Մոսկվայում մասնակցեց ArmWine ցուցահանդեսին` ներկաների ուշադրությունը մի քանի օր շարունակ ուղելով հայկական գինեգործության ավանդույթներին և առանձնահատկություններին։

Հայկական ավանդույթի և մշակույթի պահպանումը «Լուսարև»-ի նպատակներից է ոչ միայն գինեգործության ոլորտում, այլ նաև դրանից դուրս։ Այս նպատակով մենք մշտապես ուշադրության կենտրոնում ենք պահում հայկական մշակույթին խթանող իրադարձությունները՝ շատ հաճախ ստանձնելով նախաձեռնողի կամ գործընկերոջ դերը։

Արդեն 8 տարի կազմակերպվող «Երևանի Գինու Օրեր» փառատոնն այս տարի տեղի ունեցավ հունիսի 7-ից 9-ը Երևանի սրտում ընդգրկելով Մոսկովյան, Սարյան, Թումանյան փողոցները։